Shu kungacha Denov tumani hokimi lavozimida faoliyat yuritib kelayotgan Pardayev Rustam Ubodullayevich Qiziriq tumani hokimi etib tasdiqlandi.

R.Pardayev mehnat faoliyati davomida AT «Mikrokreditbank» Jarqoʻrgʻon filiali boshqaruvchisi va viloyat filiali, viloyat iqtisodiyot va hududlarni kompleks rivojlantirish bosh boshqarmasi, investitsiyalar bosh boshqarmasi, investitsiyalar va tashqi savdo boshqarmasi boshligʻi, viloyat hokimining moliya-iqtisodiyot va tadbirkorlik masalalari boʻyicha birinchi oʻrinbosari, 2020-yildan to shu kungacha Denov tumani hokimi lavozimida ishlagan.

Avvalroq, Denov tumaniga Abdumalik Abduqodirovich Allamuradov hokim etib tayinlangani haqida xabar bergan edik.