2025-yil holatiga ko‘ra, O‘zbekistonda nikoh barqarorligi koeffitsiyenti 175,6 promilleni tashkil etgan. Bu har 1000 ta nikohga o‘rtacha 175 ta ajrim to‘g‘ri kelishini anglatadi.  

Dunyo mamlakatlari bilan solishtirilsa, O‘zbekistondagi holat past ko‘rsatkichda bo‘lib, bu mamlakatda oila instituti nisbatan barqaror ekani bildiradi.

Misol uchun, nikoh barqarorligi koeffitsiyenti Moldovada – 642,7, Ozarbayjonda – 431,9, Qozog‘istonda – 328,2, Qirg‘izistonda esa – 289,6 promilleni tashkil etadi. 

Xabarda yozilishicha, Qashqadaryo, Xorazm va Surxondaryo viloyatlarida nikoh barqarorligi yuqori darajada saqlanib qolmoqda. Aksincha, Toshkent shahri, Sirdaryo va Toshkent viloyatida ajrimlar nisbatan yuqoriroq ekani kuzatiladi.

Qolgan hududlardagi holatlar bilan quyidagi jadval orqali tanishish mumkin: