Prezidenti Shavkat Mirziyoyev O‘zbekiston-Tojikiston sammitining ikkinchi kuni tadbirlarida ishtirok etish uchun Buxoro shahriga yetib bordi.

Buxoro xalqaro aeroportida davlat rahbari mamlakatda davlat tashrifi bilan bo‘lib turgan Tojikiston prezidenti Emomali Rahmonni kutib oldi.

Tantanali kutib olish marosimida oliy martabali mehmon sharafiga milliy qo‘shiq va raqslar ijro etildi.

Xabar qilinishicha, bugun yetakchilar qadimiy Buxoroning tarixiy obidalarini ziyorat qiladilar. Sanoat korxonalari faoliyati bilan tanishish ham ko‘zda tutilgan.