Amerika Qoʻshma Shtatlari Prezidenti Donald Tramp Shavkat Mirziyoyevga maktub yubordi.

Amerika yetakchisi oʻz maktubida davlatimiz rahbarining joriy yil fevral oyida boʻlib oʻtgan Tinchlik kengashining ilk yigʻilishidagi ishtirokini yuksak baholagan.

Shuningdek, xatda Prezident Shavkat Mirziyoyev Oʻzbekistonda ulkan natijalarga erishayotgani taʻkidlanib, mamlakatimizga tashrif bilan kelish taklifi uchun minnatdorlik bildirilgan.

Oʻz navbatida, Prezident Donald Tramp davlatimiz rahbarini Tinchlik kengashining navbatdagi yigʻilishiga, shuningdek, Mayamida oʻtadigan G20 sammitiga taklif etdi.

“Yaratgan Sizni va Oʻzbekistonning buyuk xalqini yorlaqasin”, – deyiladi maktubda.