Boysun tumanidagi “Yoshlar bog‘i” nomi O‘zbekiston xalq yozuvchisi xotirasiga “Shukur Xolmirzayev” istirohat bog‘i deb o‘zgartirildi. Bu haqda Xalq deputatlari Boysun tuman kengashi qarorida keltirilgan.

Hujjatga ko‘ra, istirohat bog‘ining yangi nomi yozilgan ko‘rsatkich va belgilar, peshlavhalar zamonaviy dizayn asosida bosqichma-bosqich o‘rnatiladi.

Qayd etilishicha, qaror ijrosini nazorat qilish xalq deputatlari tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi hamda Korrupsiyaga qarshi kurashish va xavfsizlik masalalari bo‘yicha doimiy komissiyasi zimmasiga yuklatilgan.