Prezident Shavkat Mirziyoyev raisligida Narpay tumanida Samarqand viloyatini ijtimoiy-iqtisodiy rivojlantirish masalalari bo‘yicha yig‘ilish boshlandi. Bu haqda Prezident matbuot xizmati xabar berdi.

Dastlab davlat rahbari yig‘ilganlarni kirib kelayotgan muborak Ramazon hayiti hamda Navro‘z bayrami bilan tabrikladi.

Prezident Samarqandga oxirgi tashrifdan so‘ng o‘tgan to‘rt oy ichida mamlakat hayotida katta o‘zgarishlar ro‘y bergani ta’kidlandi.

Xabar berilishicha, ertaga Payariq tumanida buyuk hadisshunos ajdodimiz Imom Buxoriy yodgorlik majmuasining ochilish marosimi o‘tkaziladi.

“Aminmanki, bu muazzam ziyoratgoh xalqimiz bilan bir qatorda millionlab xorijiy turistlar tashrif buyuradigan tabarruk maskanga aylanadi”, dedi Prezident.