Prezident Shavkat Mirziyoyev qarori bilan Ramazon oyida «Vaqf» fondi orqali qariyb 20 ming nafar diniy soha xodimlariga 80 milliard so‘mdan ziyod moddiy yordam ajratildi. Bu haqda Vaqt.uz nashri ma'lum qildi.

Bundan ttashqari, mamlakat bo‘ylab taroveh namozlarida Qur’on xatm qilingan qariyb 1800 ta masjidda xizmat qilgan 3600 nafardan ortiq qorilarning har biriga 10 million so‘mdan hadya topshirilib, Ulamolar kengashining 100 dan ortiq faxriy a’zolariga ham 10 million so‘mdan moddiy rag‘bat berildi.

Mamlakatdagi barcha jome’ masjidlarining imom-xatiblariga 7 mln so‘m, mudarrislarga 4 mln so‘m, otinoyi va mahalla mullalariga 2 mln so‘mdan hadya berildi. Masjidlarda faoliyat yurituvchi muazzin, qorovul va masjid tozalovchilarga esa 1 mln so‘mdan ajratildi.