2026-yildan boshlab har bir deputat o‘z hududida “Tashabbusli budjet”da g‘olib bo‘lmagan loyihalar orasidan yiliga 2 ta loyihani tanlaydi. Bu loyihalar esa respublika budjetidan moliyalashtiriladi.

Buning uchun har bir deputatga yiliga BHMning 8 ming baravarigacha (hozirda 3 mlrd 296 mln so'mgacha) mablag‘ ajratiladi. 

Bundan tashqari, joriy yilning 1-fevralidan “Tashabbusli budjet”da aholi va davlat hamkorligi asosida moliyalashtirish tizimi joriy etiladi.

Bunda agar tashabbuskor fuqarolar loyiha qiymatining 50 foizini o‘zlari ixtiyoriy moliyalashtirsa, loyiha avtomatik ravishda g‘olib deb topiladi va qolgan 50 foizi davlat budjetidan qoplanadi.