Sirdaryo viloyati bo‘ylab Navro‘z sayllarini o‘tkazish boshlandi. 16–18-mart kunlari “Navro‘zni ulug‘lash – insonni ulug‘lashdir!” shiori bilan tashkil etiladigan sayllarda milliy qadriyatlar ko‘rgazmasi tashkil etiladi. Unda o‘zbek xalqining urf-odatlari, an’analari, milliy liboslari, hunarmandchilik buyumlari va qadimiy taomlari namoyish qilinadi. 

Shu bilan birga, festivalda konsert dasturlari, “Mumtoz navolar”, “Do‘stlik dasturxoni”, “Ma’rifat bog‘i”, “An’ana va Avangard”, “Bahodirlar o‘yini” hamda “Samodagi orzular” kabi loyihalar ham o‘rin olgan. 

Bugun bayramning asosiy tadbirlari boshlandi.