14–15-mart kunlari O‘zbekiston hududining katta qismida yog‘ingarchiliksiz ob-havo bo‘lishi kutilmoqda. Bu haqda “O‘zgidromet” xabar berdi. 

Dam olish kunlari Buxoro, Navoiy, Qashqadaryo, Surxondaryo va Samarqand viloyatlarida 14-martda kechqurun va 15-mart kuni ba’zi joylarda yomg‘ir yog‘adi.

Havo harorati ko‘tarilishi davom etadi. Kechalari ham harorat ko‘tariladi. Mamlakatimiz hududining katta qismida kechalari 0-5 daraja iliq atrofida bo‘ladi. Faqat respublikaning ayrim joylarida kechalari kuchsiz sovuq saqlanib turadi. Shamol sharqdan birozdan o‘rtacha tezlikkacha esadi.

Toshkentda: 14-15-martda yog‘ingarchilik kutilmaydi. Shamol sharqdan 3-8 m/s tezlikda esadi. Havo harorati bugun kunduzi 11-13 daraja iliq, dam olish kunlari esa 13-15 daraja iliq bo‘ladi. Harorat kechalari 1 daraja sovuq-4 daraja iliq bo‘ladi.