Toshkentdagi Zamonaviy san’at markazi TIME jurnalining 2026-yilgi “Dunyoning eng ulug‘vor joylari” ro‘yxatiga kiritildi. Bu haqda markaz Telegram sahifasida e’lon qilindi.

Qayd etilishicha, ushbu ro‘yxatni tuzishda TIME o‘zining xalqaro muxbirlar va mualliflar tarmog‘idan, shuningdek, ochiq ariza berish jarayoni orqali nominatsiyalarni to‘pladi. To‘plamga mehmonxonalar, kruizlar, restoranlar, diqqatga sazovor joylar, muzeylar, bog‘lar va boshqa maskanlar kiradi – ularning har biri yangi va maftunkor taassurotlar taqdim etgani uchun tanlanadi.

Shu yil ochilishi kutilayotgan Zamonaviy san’at markazi O‘zbekistonning hozirgi zamon madaniyati uchun yorqin makonga aylanishi kutilmoqda.