Joriy yilning 13–15-mart kunlari Hindiston Elchixonasi O‘zbekiston Kinematografiya agentligi hamkorligida, Hindiston Axborot va eshittirishlar vazirligi hamda Hindiston Milliy kino taraqqiyoti korporatsiyasi ko‘magida hind kinofestivali doirasida bepul kinonamoyishlar tashkillashtirilmoqda.

Qayd etilishicha, “8-mart — Xalqaro xotin-qizlar kuni” munosabati bilan ayollar mavzusiga bag‘ishlangan hind kinofestivalining 2-nashri — “Sashakt Nari — Ayollikni ulug‘lash” tadbiri bo‘lib o‘tadi.

Festival doirasida jasorat va matonat bilan qiyinchilik hamda sinovlarni yengib o‘tgan ayollar bosh qahramon bo‘lgan mashhur hind filmlari namoyish etiladi.

Dastur:

- 13-mart, 14:30 — “Dangal” filmi; 

- 14-mart, 11:00 — “Dear Zindagi” filmi; 

- 14-mart, 15:00 — “Tanvi The Great”filmi; 

- 15-mart, 11:00 — “Kathal” filmi; 

- 15-mart, 15:00 — “Tanu weds Manu” filmi.

Kirish barcha uchun bepul.