O‘zbekiston hududidan BAA va Saudiya Arabistoniga ikki tomonlama yo‘lovchi tashishni tashkil etishga 10-мартдан boshlab ruxsat berildi. Bu haqda O‘zbekistonda faoliyat yurituvchi milliy va xorijiy aviakompaniyalarga yuborilgan xatda xabar berildi.

Ta’kidlanishicha, Saudiya Arabistoniga amalga oshirilayotgan parvozlarda, umra mavsumi nihoyasiga yetayotgani va “Haj-2026” mavsumidan oldin barcha “Umra” ziyoratchilari Saudiya Arabistonidan chiqib ketishi shartligi inobatga olinishi lozim.

Parvozlarni tashkil etishda parvozlar xavfsizligi talablari, xalqaro havo tashuvlari bo‘yicha amaldagi qoidalar, shuningdek Saudiya Arabistoni va BAA vakolatli organlari tomonidan belgilangan talab va tartiblarga qat’iy rioya etilishi ta’minlanishi belgilangan.