Joriy yilning 10–11 mart kunlari O‘zbekiston Respublikasi Madaniyat vazirligi huzuridagi Kinematografiya agentligi, Gruziya Madaniyat vazirligi huzuridagi Milliy kino markazi hamda Gruziyaning O‘zbekiston Respublikasidagi elchixonasi hamkorligida “Gruziya kinosi kunlari” bo‘lib o‘tadi. Bu haqda Milliy kino san'ati saroyi xabar berdi.

Kino kunlari doirasida tomoshabinlarga O‘zbekiston Milliy kino san’ati saroyida Gruziya kinematografiyasining mashhur va qiziqarli filmlari bepul namoyish etiladi.

“Gruziya kinosi kunlari” dasturi:

10-mart — Ochilish marosimi

• - 14:00−14:10 — Tadbirning ochilish marosimi va rasmiy chiqishlar;
• - 14:15−14:25 — O‘zbekiston Kinematografiya agentligi rahbariyati, Gruziya Milliy kino markazi hamda Gruziya elchixonasi vakillari ishtirokida uchrashuv, norasmiy muloqot va suratga tushish jarayoni;
• - 14:30−16:00 — Gruziya kinematografiyasining mashhur komedik filmi “Chudaqlar” (“Sherekilebi”) namoyishi;

11-mart — Filmlar namoyishi

• - 14:30−14:55 — “To‘y” kinokomediya filmi (21 daqiqa);
• - 15:00−15:20 — “Soyabon” filmi (18 daqiqa);
• - 15:25−15:40 — “Musiqachilar” kinokomediya filmi (13 daqiqa).