O‘zbekiston Respublikasi Turizm qo‘mitasi Yaqin Sharq mamlakatlariga turoperator va turagent xizmatlari orqali sayyohlik maqsadida borgan O‘zbekiston fuqarolari noqulay vaziyatlarda qolib ketishini oldini olish maqsadida maxsus @tourism_murojaat_bot Telegram botini ishga tushirdi.

Mazkur bot orqali mamlakatimiz fuqarolari o‘zi haqida yoki ularning yaqin qarindoshlari tomonidan ma’lumotlarni kiritgan holda Turizm qo‘mitasini xabardor qilishlari mumkin. Mazkur ma’lumotlar asosida mamlakatimiz fuqarolariga birinchi navbatda O‘zbekiston Respublikasiga olib kelish choralari ko‘rilishi ma’lum qilinadi.

Qo‘mita fuqarolarni ushbu bot orqali murojaat qoldirishda aniq va to‘liq ma’lumot taqdim etishga chaqirgan.