Xalq deputatlari Qarshi tumani Kengashining navbatdan tashqari sessiyasida tuman hokimi Zoir Aliqulovning boshqa ishga oʻtishi munosabati bilan uning oʻrniga yangi hokim nomzodini tasdiqlash masalasi koʻrildi. Bu haqda Qarshi tumani hokimligi xabar berdi.

Mazkur sessiyada deputatlar Tursunov Jasur Sanjarovichni Qarshi tumani hokimi lavozimiga tasdiqladi.

Jasur Tursunov 1979-yil Kasbi tumanida tugʻilgan. U Toshkent davlat yuridik institutini tamomlagan.

Tayinlovga qadar u Chiroqchi tumani prokurori lavozimida ishlab kelayotgan edi. Faoliyati davomida Mirishkor va Shahrisabz tumanlari prokurori vazifasida ham ishlagan.