Toshkentda 5-mart kuni “Moʻtabar ayol” koʻkrak nishoniga sazovor boʻlgan ayollarni taqdirlash marosimi boʻlib oʻtdi. Tadbir “Oʻzbekiston” xalqaro forumlar saroyida oʻtkazildi.

Unda Prezident Shavkat Mirziyoyev tashabbusi asosida mamlakatimizda ayol-qizlarni ardoqlash, ularni kuchli ijtimoiy himoya qilishning yangi, amaliy mexanizmi yaratilgani taʼkidlandi. Ayollarni oʻylantirayotgan masalalar joylarda hal etilishiga katta eʼtibor qaratildi.

Oʻzbekiston Respublikasi Bosh vazirining oʻrinbosari, Oila va xotin-qizlar qoʻmitasi raisi Zulayho Mahkamova “Moʻʼtabar ayol” koʻkrak nishonini egalariga topshirdi.

Tadbirda joriy yilda “Moʻtabar ayol” koʻkrak nishoniga munosib koʻrilgan 351 nafar xotin-qizlardan 51 nafari taqdirlandi.