Mehnat kodeksining 208-moddasiga koʻra, bayram kuni dam olish kuniga (shanba yoki yakshanba) toʻgʻri kelsa, dam olish kuni keyingi ish kuniga koʻchiriladi. 8-mart Xalqaro xotin-qizlar bayrami bu yil yakshanba kuniga toʻgʻri kelayotgani tufayli, dushanba kuni qoʻshimcha dam olish kuni boʻladi.

Bu 2026-yilda rasmiy bayramlar paytida qoʻshimcha ishlanmaydigan kunlarni belgilash toʻgʻrisidagi Prezident farmonida belgilab qoʻyilgan.

Unga koʻra, haftada 5 kun ishlaydiganlar 3 kun:

• 7-mart, shanba — dam olish kuni;
• 8-mart, yakshanba — dam olish kuni;
• 9-mart, dushanba — bayramdan koʻchirilgan qoʻshimcha dam oladi.

Haftada 6 kun ishlaydiganlar esa 2 kun:

• 8-mart, yakshanba — bayram kuni, dam olish kuni;
• 9-mart, dushanba — bayramdan koʻchirilgan qoʻshimcha dam oladi.