Endi akademik ta’til olgan talabalar o‘qishni "sirtqi", "kechki", "onlayn" shakllarda davom ettirishi mumkin. Bu haqida Oliy va o‘rta maxsus ta’lim vazirligi axborot xizmati xabar qildi.

– Qaramog‘ida/xonadonida bemorga qarashi lozim bo‘lgan talabalar;

– sog‘lig‘i tufayli o‘qishga kelish imkoniyati bo‘lmagan talabalar;

– sog‘lig‘iga ko‘ra uyda qolishi kerak bo‘lgan xomilador ayol talabalar;

– chaqalog‘i bor yosh talaba onalar;

– harbiy xizmatni o‘tamoqchi bo‘lgan talabalar va boshqa asosli sabab ko‘rsatgan talabalar akademik ta’til olishlari mumkin bo‘ladi.  

O‘tgan davrdagi akademik ta’tildan hozirgisining farqi talaba o‘qishdan chetlatilmaydi.

Buning uchun talaba tahsil olayotgan oliygoh rektori nomiga akademik ta’til olishga sabab bo‘lgan omilni ko‘rsatgan holda ariza yozadi va ma’lumotnoma (spravka) taqdim qiladi.