Farg‘ona viloyati Qo‘qon shahrida ko‘p qavatli uyda yong‘in chiqdi. Bu haqda Favqulodda vaziyatlar vazirligi xabar qildi.

Ma’lumot berilishicha, 25-fevral kuni soat 14:47 da FVBga “Bo‘ston” MFYda joylashgan ko‘p qavatli uylardan birida chaqnash sodir bo‘lib, uning oqibatida yong‘in bo‘layotgani to‘g‘risida xabar kelib tushgan.

Shunga asosan, qutqaruv bo‘linmalari aytilgan manzilga yetib borgan. Hozirda yong‘inni bartaraf qilish choralari ko‘rilmoqda. Vaziyat nazoratga olingani bildirildi.

So‘nggi ma’lumotga ko‘ra, tan-jarohati olganlar to‘g‘risida xabar kelib tushmagan.

Hozirda FVV qutqaruvchilari tomonidan hodisa oqibatlarini bartaraf etish ishlari olib borilmoqda.