Koʻplab muxlislar mehrini qozongan iqtidorli sanʼatkor, “Dizayn” shou jamoasining aʼzosi Dilshodbek Musabekov vafot etdi. Bu haqda uning hamkasbi Otabek Mirzaholov maʼlum qildi.

Oʻzining ajoyib hazillari va samimiyati bilan xalq qalbidan joy olgan Dilshodbek Musabekov 1975-yil 13-iyulda Andijon viloyatida tugʻilgan. U Oʻzbekiston Respublikasi Prezidenti farmoniga koʻra “Shuhrat” medali bilan taqdirlangan edi.

Maʼlumot uchun, “Dizayn” jamoasi – hajviy guruh boʻlib, uning barcha aʼzolari, jumladan, marhum Dilshodbek Musabekov ham Toshkent toʻqimachilik va yengil sanoat institutini bitirgan. Mazkur institut nomidan „QvZ“ (Quvnoqlar va zukkolar) shou tanlovlarida qatnashish orqali tanilgan.