Rossiya oʻz fuqarolarini davlat nazoratidagi, kuzatuv va siyosiy senzura uchun yaratilgan dasturga oʻtkazishga majburlab, Telegramdan foydalanishni taqiqlamoqda, deb yozadi messenjer asoschisi Pavel Durov Telegram sahifasida.

U shuningdek, 8-yil avval Eron xuddi shu strategiyani qoʻllashga urinib, omadsizlikka uchraganini eslatib oʻtgan. Unga koʻra, mamlakatda Telegramdan foydalanish toʻqima bahonalar bilan taqiqlanib, aholini davlat yaratgan muqobil platformaga oʻtkazishga harakat qilingan. Taqiqqa qaramasdan, aksariyat eronliklar haligacha “senzurani cheklab oʻtib”, kuzatuvdagi ilovalardan foydalanishdan koʻra Telegramni afzal koʻradi.

Fuqarolar erkinligini cheklash hech qachon toʻgʻri qaror boʻlmaydi. Telegram har qanday bosimga qaramay, soʻz erkinligi va konfidensiallikni himoya qiladi.