Vazirlar Mahkamasining “Uzluksiz ta’lim tizimida yoshlarni milliy qadriyatlarga sadoqat va vatanparvarlik ruhida tarbiyalash samaradorligini oshirish dasturini tasdiqlash to‘g‘risida”gi Qarori qabul qilindi.

Hujjatga ko‘ra, 2026-yilda tarbiya yo‘nalishida amalga oshiriladigan “Yo‘l xarita” tasdiqlandi. Undagi asosiy yo‘nalishlar quyidagilar deb belgilandi:

➖ maktabgacha, umumiy o‘rta, o‘rta maxsus, kasbiy va oliy ta’lim tizimlarida yagona milliy tarbiyaning yaxlit tizimi yaratiladi;

➖ har dushanba kuni barcha ta’lim tashkilotlarida “Kelajak soati” darsi o‘tkaziladi hamda dars ssenariylari asosida tayyorlangan" kontentlar “millitarbiya.uz” elektron platformasiga joylashtiriladi;

➖ dastur doirasida O‘zbekistonning Milliy tarbiya modeli ishlab chiqiladi;

➖ har yili ma’naviy-ma’rifiy ishlar bo‘yicha mas’ul rahbar va pedagoglar o‘rtasida “Milliy qadriyatlar targ‘ibotchisi” respublika tanlovi o‘tkaziladi;

➖ har yili 1-sentyabrga qadar ma’naviy-ma’rifiy tadbirlarning namunaviy ish rejalari tasdiqlanadi;

➖ “Jasorat maktablari” o‘quvchilari o‘rtasida ikki bosqichli “Jasorat uchqunlari” harbiy-vatanparvarlik va sport musobaqasi tashkil etiladi.