Prezident Shavkat Mirziyoyev qarori bilan Sohibjon G‘ofurjonovich Murodov O‘zbekiston Respublikasi Davlat aktivlarini boshqarish agentligi direktori lavozimiga tayinlandi. Bu haqda Prezident matbuot kotibi Sherzod Asadov xabar berdi.

Avvalroq  agentlikning sobiq rahbari Akmalxon Ortiqov Davlat aktivlarini boshqarish agentligining mansabdor shaxslari bozor qiymati kamida 250 milliard so‘mlik yer uchastkasini yopiq auksionga chiqarib, 120 milliard so‘mga sotib yuborgani sababli lavozimidan ozod etilgani haqida xabar berilgan edi.