Bahodir Xudoyorovich Xudoyqulov Chiroqchi tumani hokimi lavozimiga tasdiqlandi. Bu haqda Qashqadaryo viloyati hokimligi matbuot xizmati xabar bermoqda.

Bahodir Xudoyqulov 1985-yilda tug‘ilgan. U Samarqand davlat universiteti hamda Toshkent davlat yuridik institutini tamomlagan.

Mehnat faoliyati davomida 2018–2024-yillarda Chiroqchi tumani prokurori vazifasida ishlagan. Tayinlovga qadar esa Shahrisabz tumani prokurori lavozimida faoliyat yuritib kelayotgan edi.

Xalq deputatlari Chiroqchi tumani kengashining navbatdan tashqari sessiyasida yangi tayinlov munosabati bilan tumanni ijtimoiy-iqtisodiy rivojlantirish bo‘yicha ustuvor vazifalar belgilab olindi.