International IQ Test xalqaro IQ reyestri ma’lumotlari asosida shakllantirilib, har yili yangilanadigan mamlakatlar aholisining o‘rtacha intellekt koeffitsiyenti (IQ) bo‘yicha reyting natijalarini e’lon qildi.

137 ta mamlakat va hududdan 1,2 million nafar ishtirokchining test natijalari asosida shakllantirilgan reytingda birinchi o‘rinni 106,97 ball bilan Janubiy Koreya band qilgan. Xitoy — 106,48 ball, Yaponiya — 106,3 ball bilan kuchli uchlikni yopgan.

Reytingda Oʻzbekiston 96.51 ball bilan 75-oʻrinni egallab, Markaziy Osiyo davlatlari ichida yetakchilik qilmoqda. Lekin natija avvalgiga nisbatan 0.28 ballga pastroq ekanini koʻrish mumkin: 2025-yilda mamlakat 96.79 ballni qayd etgandi. Qozogʻiston 95.92 ball 80-oʻrinni, Qirgʻiziston 94.48 ball bilan 93-oʻrinni, Tojikiston esa 93.39 ball bilan 101-oʻrinni egallagan.