Bugun, 31-yanvar kuni soat 15:47 da poytaxtning Yashnobod tumani, Parkent ko‘chasida joylashgan Aviator Korzinka binosida yong‘in chiqdi.

FVV qutqaruv ekipajlari 10 daqiqaga qolmay voqea joyiga yetib borib, binodan barcha fuqarolar evakuatsiya qilingani va yong‘in o‘chirish ishlari FVV general-mayori A.Ikramov boshchiligida bartaraf etilayotgani ma'lum qilingan edi.

Soat 17:17 holatiga ko‘ra yong‘in to‘liq bartaraf etilgan bo‘lib, jarohatlanganlar yo‘qligi qayd etilgan.

Biroq yong‘indan so‘ng olib borilgan dastlabki o‘rganish ishlarida vayronalar ostidan bir nafar fuqaroning jasadi topilgani ma'lum qilingan.