Oʻzbekistonda 2025-yilning yanvar-dekabr oylarida qayd etilgan nikohlar soni 267,1 ming birlik, har ming aholiga nikoh koeffitsiyenti 7,1 promilleni tashkil etdi. Bu haqda Statistika qoʻmitasi maʻlum qildi.

Nikohlar soni qatorasiga toʻrtinchi yil, 2024-yilga nisbatan esa 4,7 ming birlikka kamaygan.

Nikohdan ajralishlar soni 46,9 ming birlik, har ming aholiga nisbatan ajralish koeffitsiyenti 1,2 promilleni tashkil etdi. Ajralishlar soni 2024-yilga nisbatan 1,8 ming birlikka koʻpaygan.

Respublikada qayd etilgan nikohlar shahar joylarida 132,6 mingtani (49,7 foiz), qishloq joylarida 134,5 mingtani (50,3 foiz) tashkil etdi. Nikohdan ajralishlar shahar joylarida 28,2 mingtani (60,1 foiz), qishloq joylarida 18,7 mingtani (39,9 foiz) tashkil qildi.