2026-yil 1-fevraldan “Tashabbuskor xalq uchun — yangi imkoniyatlar mavsumi” shiori ostida “Tashabbusli budjet” jarayonining 2026-yilgi ilk mavsumi boshlanadi. Ushbu mavsum “Tashabbusli budjet” joriy etilganidan buyon o‘tkazilayotgan o‘ninchi — yubiley mavsum hisoblanadi.

Ma’lum qilinishicha, mavsum quyidagi bosqichlar asosida tashkil etiladi:

• 1–20 fevral — loyihalarni kiritish;

• 21 fevral – 7 mart — loyihalarni saralash;

• 8–10 mart — targ‘ibot bosqichi;

• 11–20 mart — ovoz berish bosqichi;

• 21–31 mart — qo‘shimcha g‘oliblarni e’lon qilish bosqichi.

•  

Shuningdek, an’anaviy tartibga ko‘ra, ovoz berish bosqichi yakunlari bo‘yicha g‘olib loyihalar 21-mart — Navro‘z bayrami kuni e’lon qilinishi qayd etildi.

Fuqarolar mahallasi uchun tashabbus ko‘rsatib, loyiha kiritish va ovoz berish jarayonlarida faol ishtirok etishga chaqirildi.