Rossiya TIV matbuot kotibi Mariya Zaxarova taniqli jurnalist Vladimir Solovyovning Markaziy Osiyo va Armaniston bo‘yicha fikri yuzasidan bayonot berdi.

“Gap jurnalist fikri haqida ketyapti. Fikr uning xususiy telekanalida bildirilgan. Iqtiboslarni o‘qib chiqdim va kontekstdan olingan iboralarga tayanmadim. Demak, fikr u yerda savol shaklida ifodalangan: u yerda bayonot emas, qandaydir ritorik yoki boshqacha savol bor edi. Qolaversa, bu jumlalar “divan analitiklari” tomonidan provokatsion tarzda talqin qilinayotgani yaqqol ayon. Bunday manipulyatsiyalar bilan shug‘ullanishga shunchaki yo‘l qo‘yib bo‘lmaydi”, deya rasmiy pozitsiyani bunga vakolatli bo‘lgan rasmiy shaxslar bildirishini qayd etdi.

U shuningdek, o‘zaro hurmat va ishonchga asoslangan hamdo‘st davlatlar rahbarlari o‘rtasidagi samimiy, shaxsiy aloqalar munosabatlarning izchil rivojlanishining garovi ekani ta’kidlab o‘tgan.