Bugun “Xalqlar do‘stligi” san’at saroyida O‘zbekiston Respublikasi Qurolli Kuchlari tashkil etilganining 34 yilligi hamda Vatan himoyachilari kuni munosabati bilan tantanali  konsert dasturi bo‘lib o‘tdi. Tadbirda davlat va jamoat tashkilotlari vakillari, harbiylar va ularning oila a’zolari ishtirok etdi.

Tadbir avvalida Prezident, Qurolli Kuchlar Oliy Bosh Qo‘mondoni Shavkat Mirziyoyev yo‘llagan bayram tabrigini Mudofaa vaziri, general-leytenant Shuhrat Xolmuhammedov o‘qib eshittirdi.

Tadbir davomida harbiylar hamda san’atkorlar tomonidan kuylangan qo‘shiqlar, go‘zal raqslar yanada o‘zgacha shukuh baxsh etdi.

Shuningdek, Qurolli Kuchlarimiz salohiyatini namoyon etadigan hamda harbiylar hayotidan tayyorlangan videoroliklar namoyish etildi.