Oʻzbekiston Respublikasining Oila kodeksiga kiritilayotgan oʻzgartirishlarga koʻra, otaning ismini bolaga familiya sifatida berish masalasi koʻzda tutilmoqda. Oliy Majlis Qonunchilik palatasining 13-yanvardagi majlisida deputatlar Oila kodeksiga tegishli qonun loyihasini birinchi oʻqishda qabul qildi.

Unga koʻra, Adliya vazirligi tomonidan ishlab chiqilgan qonun loyihasi parlament quyi palatasidagi siyosiy partiyalar fraksiyalarining yigʻilishlarida birinchi oʻqishda qizgʻin muhokama qilingan. Oʻzbekistonning ayrim qonun hujjatlariga davlat xizmatlarini koʻrsatish tizimini yanada takomillashtirish, manfaatlar toʻqnashuvining oldini olish, shuningdek, FHDYO sohasidagi munosabatlarni tartibga solishga qaratilgan oʻzgartirish va qoʻshimchalar kiritish koʻzda tutilgan.

Qayd etilishicha, qonunchilikka kiritilayotgan mazkur oʻzgartirish bilan agar ota xohlasa, oʻz ismini farzandiga familiya qilib berishi mumkinligi nazarda tutiladi.