Dam olish kunlari O‘zbekistonning barcha hududlari bo‘yicha quruq ob-havo bo‘lishi kutilmoqda. Bu haqda “O‘zgidromet” xabar bermoqda.

Prognozlariga ko‘ra, 9-yanvar, juma kuni hududning katta qismida kunduzi havo 8-11 daraja iliqqacha ko‘tarilsa, 10—11-yanvar, shanba va yakshanba kunlari 12-15 daraja iliqqacha isiydi. Kechasi va ertalab ham harorat ko‘tarila boshlaydi, yakshanba kuniga kelib harorat 0—3 daraja iliqqacha ko‘tariladi.

Toshkentda yog‘ingarchilik kutilmaydi. Harorat juma kuni kunduzi 9-11 daraja iliq bo‘ladi. Shanba va yakshanba kunlari harorat asta-sekin kechalari 1-3 daraja iliqqacha, kunduz kunlari 13-15 daraja iliqqacha ko‘tariladi.