2025-yilning yanvar-sentyabr oylarida Oʻzbekistonlik ayollarning aksariyati 20-30 yoshlar oraligʻida turmush qurgan. 20 yoshgacha oila qurganlar 36,8 foizni, 41 va undan katta yoshda oila qurganlar 2,3 foizni tashkil etgan. Bu haqda Milliy statistika qoʻmitasi maʼlumot maʼlum qildi.

Oʻtgan yilning yanvar-sentyabr oylarida Oʻzbekistonda jami 177 017 ta nikoh qayd etilgan. Qayd etilgan nikohlarda ayollarning yosh guruhlari boʻyicha taqsimlanishi quyidagicha:

20 yoshgacha – 65 078 nafar (36,8 %)

20-30 yosh – 94 765 nafar (53,5 %)

31-40 yosh – 13 137 nafar (7,4 %)

41 yosh va undan kattalar – 4 037 nafar (2,3 %)