Farg‘ona shahridagi Prezident maktabining 11-sinf o‘quvchisi Otabek Komilov Doniyor o‘g‘li dunyoning eng nufuzli oliy ta’lim muassasalaridan biri — Mohammed Bin Zayed University of Artificial Intelligence (MBZUAI ) universitetiga to‘liq grant asosida o‘qishga qabul qilindi.

Xabarga ko‘ra, Komilov 4 yil uchun jami 180 000 AQSh dollari miqdoridagi to‘liq grantni yutib olgan(yiliga 45 000 AQSh dollari).

O‘quvchi bundna oldingi yutuqlari:

▪️ IELTS'dan 7 ball;

▪️ AMC (Amerika matematika olimpiadasi) — milliy bosqich oltin medal;

▪️ SEAMO (Janubi-Sharqiy Osiyo matematika olimpiadasi) — milliy bosqich oltin medal;

▪️ V2E nomli sun’iy intellekt loyihasi asoschisi.

Ma’lumot uchun, MBZUAI dunyoda sun’iy intellektga ixtisoslashgan birinchi universitet bo‘lib, QS xalqaro reytingiga ko‘ra AI yo‘nalishida dunyoning TOP-10 universitetlari safidan joy olgan.