2025-yilning yanvar-noyabr oylarida qariyb 7 mln nafar Oʻzbekiston fuqarolari turistik maqsadlarda chet elga safar qilgan. Ulardan eng koʻpi, yaʼni 3,1 million nafari Qirgʻiziston Respublikasiga borgan. Bu haqda Milliy statistika qoʻmitasi maʼlumot berdi.

Unga koʻra, ushbu koʻrsatkich oʻtgan yilning mos davri bilan solishtirilganda deyarli 1,3 mln nafarga yoki 23 % ga oshgan.

Joriy yilning 11 oyida Oʻzbekiston fuqarolari eng koʻp safar qilgan TOP-10 davlat:

Qirgʻiz Respublikasi — 3,1 mln nafar;

Qozogʻiston — 1,3 mln nafar;

Tojikiston — 1,2 mln nafar;

Rossiya — 399 ming nafar;

Saudiya Arabistoni — 296,4 ming nafar;

Turkiya — 251,1 ming nafar;

BAA — 126,3 ming nafar;

Misr — 61 ming nafar;

Xitoy — 46 ming nafar;

Vyetnam — 35,6 ming nafar.