O‘zbekistonda dam olish kunlari yog‘ingarchilik bo‘lishi kutilmoqda. Bu haqda “O‘zgidromet” xabar bermoqda.

Yakshanba kuni Buxoro, Navoiy, Toshkent, Samarqand, Jizzax, Sirdaryo, Qashqadaryo viloyatlarida ba’zi joylarda yomg‘ir yog‘adi, tog‘li hududlarda yog‘ingarchilik (yomg‘ir, qor) bo‘ladi. Respublikaning qolgan hududlarida yog‘ingarchiliksiz ob-havo saqlanib turadi.

Dam olish kunlari havo harorati: shanba kuni 7-12 daraja iliqqacha, yakshanba kuni 10-13 daraja iliqqacha ko‘tariladi. Harorat kechalari 2 daraja sovuq-3 daraja iliq atrofida bo‘ladi. Shamol 7-12 m/s tezlikda esadi. Respublikaning ayrim joylariga tuman tushishi mumkin.

Toshkentda harorat 4-6 daraja iliq bo‘ladi. Shanba kuni yog‘ingarchilik kutilmaydi. Harorat kechasi 0-2 daraja iliq, kunduzi 7-9 daraja iliq bo‘ladi. Yakshanba kuni kunning ikkinchi yarmida yomg‘ir yog‘adi. Harorat kechasi 2-4 daraja iliq, kunduzi 10-12 daraja iliq bo‘ladi.