O‘zgidromet 14-dekabr kuni uchun ob-havo ma’lumotini e’lon qildi. Unga ko‘ra, bugun kunduzi  ba’zi joylarda yomg‘ir yog‘adi, shimolda va cho‘l hududlarda yog‘ingarchilik (yomg‘ir, qor) bo‘ladi. Tuman tushishi mumkin. Shamol 7–12 m/s tezlikda esadi, ba’zi joylarda 15–20 m/s gacha kuchayishi mumkin. Harorat +11– +16° iliq bo‘ladi, shimolda 0– +5° iliq bo‘ladi.

Toshkent shahrida kechga tomon yomg‘ir yog‘adi.  Shamol 3–8 m/s tezlikda esadi, 10–12 m/s gacha kuchayishi mumkin. Harorat +13– +15° iliq bo‘ladi.

Tog‘oldi va tog‘li  hududlarda yog‘ingarchilik (yomg‘ir, qor), ba’zi joylarda kuchli bo‘ladi. Tuman tushishi mumkin. Toshkent, Namangan viloyatlarining tog‘li hududlarida qor ko‘chishi xavfi bor. Shamol 7–12 m/s tezlikda esadi, ba’zi joylarda 13–18 m/s gacha kuchayishi mumkin. Harorat +3– +8° iliq bo‘ladi.