Xatlov-2025 natijalari qator jiddiy muammolarni ko‘rsatmoqda.

Ma’lum bo‘lishicha, respublika bo‘yicha 52 foiz maktabda majlislar zali yo‘q. 56 foizi esa oshxonasiz. 95 foiz maktab hojatxonalari hanuzgacha tashqarida joylashgan.

O‘rganishlarga ko‘ra, 274 ta maktab qo‘lbola pech bilan isitilishi aniqlangan. 79 foiz maktabda isitish tizimi ko‘mirga asoslangan bo‘lsa, 88 foiz maktabda kanalizatsiya mavjud emas.

Jami maktablarning 48 foizida markazlashgan suv ta’minoti yo‘q. 44 foiz maktabda esa nogironligi bo‘lgan bolalar uchun sharoitlar yetarli emasligi oydinlashgan.

Mazkur tahlillar ta’lim infratuzilmasini zamonaviylashtirish muhimligini anglatadi.