Toshkentda o‘tayotgan oliy darajadagi O‘zbekiston-Paragvay muzokaralari doirasida Ko‘ksaroy qarorgohida O‘zbekiston Respublikasining Birinchi xonimi Ziroat Mirziyoyeva va Paragvay Respublikasining Birinchi xonimi Letisiya Okampos o‘rtasida uchrashuv bo‘lib o‘tdi.

Muloqot davomida ikki davlat rahbarlarining rafiqalari mamlakatlarimiz o‘rtasida do‘stlik va o‘zaro anglashuvni mustahkamlash, madaniy va gumanitar hamkorlikni kengaytirish masalalarini muhokama qildi.

Oliy martabali mehmon o‘zbek amaliy san’ati ustalarining ijod namunalari, xalqimizning milliy an’ana va urf-odatlari bilan tanishdi.