2026-yil uchun moʻljallangan Davlat byudjeti toʻgʻrisidagi qonun loyihasiga koʻra, Sogʻliqni saqlash vazirligi orqali taqsimlanadigan byudjet xarajatlari 2026-yilda 6,8 trillion soʻmga yetadi. Taqqoslash uchun, ushbu koʻrsatgich 2025-yilda 5,0 trilliin soʻmni tashkil etgan edi.

Xususan:

- onkologiya yordamini takomillashtirish va onkologiya xizmatini yanada rivojlantirish bilan bogʻliq xarajatlar 250 milliard soʻmga yetadi (2025-yilda 166,4 mlrd.soʻm);

- ayollar orasida onkologik kasalliklarni nazorat qilish tizimini takomillashtirish dasturi xarajatlari 170 milliard soʻm (2025-yilda 33.6 mlrd.soʻm);

- gematologiya va transfuziologiya xizmatlarini rivojlantirish hamda onkogematologik va davolash qiyin boʻlgan kasalliklarga chalingan shaxslarni yanada qoʻllab-quvvatlash xarajatlari 170 milliard soʻm (2025-yilda mablagʻ ajratilmagan).