Ekologik qoidabuzarliklarga qarshi kurashish jarayonida faol qatnashgan fuqarolar uchun 15 foiz rag‘batlantirish tizimi joriy etildi. Bu haqda Ekologiya va iqlim o‘zgarishi milliy qo‘mitasi raisi, Maxsus komissiya rahbari Aziz Abduhakimov ma’lum qildi.

Uning so‘zlariga ko‘ra, ekofaol shaxslarga Ekonazorat axborot tizimi va @ecogovuzbot orqali yuborilgan murojaatlar bo‘yicha undirilgan jarima summasidan 15 foiz miqdorida rag‘batlantirish summasi ajratiladi.

“Maxsus komissiya ishlarni davom ettiradi va aholini tezkor xabardor qiladi. Endi navbat sizga! Kameralaringiz himoyamiz quroliga aylansin! Huquqbuzarlikni aniqlang va mukofotingizni oling. Toza havo uchun kurashda birgamiz”, dedi Abduhakimov.