18-noyabr – Oʻzbekiston Respublikasi Davlat bayrogʻi qabul qilingan kun munosabati bilan mamlakat boʻylab “Bir Vatan, bir el, bir bayroq!” shiori ostida bayroq estafetasi oʻtkazilayotgani haqida xabar berilgan edi.

Estafetaga respublikaning uch hududi: Andijon, Surxondaryo viloyatlari va Qoraqalpogʻiston Respublikasida start berilgan.

“Bir Vatan, bir el, bir bayroq!” shiori ostida yoʻlga chiqqan estafeta bayroqlari poytaxtdagi Xalqlar doʻstligi maydoniga kirib keldi va belgilangan bayram tadbirga start berdi.

Maydonda harbiy paradlar, shoir-yozuvchilar va taniqli sanʼatkorlar ishtirokida bayram tadbiri hamda dron-shou oʻtkazildi.