Dam olish kunlarida O‘zbekiston hududida quruq va juda iliq ob-havo saqlanib turadi. Bu haqda “O‘zgidromet” xabar bermoqda.

Prognozlarga ko‘ra, 15—16-noyabr kunlari harorat kechasi 2-7 daraja iliq, kunduzi 17-22 daraja iliq atrofida bo‘ladi. Bu noyabr oyining o‘rtalari uchun normal (o‘rtacha ko‘p yillik) ko‘rsatkichlardan 3-5 daraja yuqori.

Juda mayin shamol sharqdan esib turadi. Yog‘ingarchilik kutilmaydi. 

Toshkentda ham yog‘ingarchilik bo‘lmaydi. Havo harorati kechasi 4-6 daraja iliq, kunduzi 18-20 daraja iliq bo‘ladi.