Bu haqda Prezident Administratsiyasi rahbari Saida Mirziyoyeva ma’lum qildi.

“Bugun Samarqandda yangitdan ochilishi ko‘zda tutilgan Bolalar kutubxonasi konsepsiyasi bilan tanishdim. U 1911-yilda barpo etilgan tarixiy binoda joylashadi. Toshkentdagi kutubxona singari ushbu inshoot ham madaniy o‘ziga xosligi va davr ruhi saqlangan holda, ehtiyotkorlik bilan restavratsiya qilinadi.

 

Ushbu dargoh bolalar, o‘smirlar, ularning ota-onalari va ustozlari uchun chinakam ijodiy maskanga aylanadi. Loyihada inklyuzivlikka alohida e’tibor qaratilgan: ko‘zi ojiz va zaif ko‘ruvchi bolalar uchun audiofond tashkil etish rejalashtirilgan”, deb yozdi u.

Kutubxona fondi o‘zbek, ingliz va rus tillarida jami 120 000 jild kitobni o‘z ichiga oladi.