Oʻzbekistonda 2026-yilda “103” xizmatida aholi uchun “Online-shifokor” konsultatsiyalari tizimi joriy etiladi. Bu haqda SSV xabar qildi.

Maʻlum qilinishicha, shu yilning oʻtgan davrida sohada elektron boshqarish tizimi ishga tushirilgan. Buning uchun 2,4 ming nafar dispetcher oʻqitilgan.

Natijada, murojaat manzillariga kechikishlar soni 1,1 foizdan 0,3 foizga kamaygan. 2017-yildan buyon “103” xizmati shoxobchalari soni 818 tadan 1680 taga, Tez yordam brigadalari 1648 tadan 2865 taga, bitta chaqiruvga dori-darmon uchun ajratilgan mablagʻ esa 750 soʻmdan 11 800 soʻmga oshgan.

Shuningdek, endilikda tez tibbiy yordam xizmati elektron tizimlari shifoxonalar hamda birlamchi tizim muassasalari bilan integratsiya qilinadi.