“Termiz aeroporti” chegara bojxona postida 5 dona qadimiy tangalarni yashirincha olib chiqishga uringan yoʻlovchi toʻxtatib qolindi. Bu haqda Oʻzbekiston Respublikasi Davlat bojxona qoʻmitasi xabar berdi.

Badiiy ekspertiza xulosasiga koʻra, kumushdan ishlangan mazkur tangalar XVI asrga mansub boʻlib, Buxoro xonligi davrida zarb etilgan.

Tangalar Termiz arxeologiya muzeyiga topshirilgan. Hozirda holat yuzasidan bojxona organlari tomonidan tergovga qadar tekshiruv harakatlari olib borilmoqda.

Ma'lumot uchun, yaratilganiga 50 yil va undan ortiq vaqt boʻlgan madaniy boyliklarni, jumladan numizmatika ashyolarini mamlakatdan olib chiqish taqiqlanadi.