Oʻzbekistonda noyabr oyi boshida havo harorati keskin pasayishi kutilmoqda. Bu haqda Oʻzgidromet xabar berdi.

Xususan, 3-noyabr kuni Oʻzbekistonning shimoliy hududlariga, 4-6-noyabr kunlari respublikaning barcha hududlariga sovuq va nisbatan nam havo massalari kirib keladi. Respublika boʻyicha ob-havoning keskin oʻzgarishi kutilmoqda.

3-5-noyabr kunlari baʻzi joylarda yomgʻir yogʻadi, togʻoldi va togʻli hududlarda esa qorga aylanadi.

4-6-noyabr kunlarida esa havo harorati asta-sekin pasayadi va kechalari 0…+3 darajani tashkil etadi, baʻzi joylarda bundan ham sovuq boʻlishi mumkin, kunduz kunlari havo harorati +8…+13 darajagacha boʻladi.