Milliy statistika qo‘mitasi aholi va qishloq xo‘jaligini ro‘yxatga olish qanday tartibda o‘tkazilishini ma’lum qilib, fuqarolarni firibgarlardan ogohlantirdi.

Qayd etilishicha, jarayon 2 bosqichda tashkil etiladi:

• 1-bosqichda 2026-yil 15-31-yanvar kunlari, ya’ni 17 kun davomida census.stat.uz sayti orqali OneID tizimi yordamida onlayn ro‘yxatdan o‘tish imkoni yaratiladi.

• 2-bosqichda 4-28-fevral kunlari “Mahalla yettiligi” a’zolari uyma-uy yurib, planshet orqali ro‘yxatga olishni tashkillashtiradi.

Agentlik ro‘yxatga olish faqat “Mahalla yettiligi” a’zolari tomonidan o‘tkazilishini hamda fuqarolardan hech qanday SMS-kod yoki pul mablag‘lari so‘ralmasligini ta’kidladi.

“Shaxsiy ma’lumotlar telefon yoki ijtimoiy tarmoqlar orqali so‘ralmaydi, onlayn ro‘yxatdan o‘tishda yagona rasmiy platforma orqali belgilangan muddatda ro‘yxatdan o‘tish savolnomasini to‘ldirasiz” deyiladi xabarda.

​Yettilik a’zolari o‘z mahallasida ro‘yxatga olish tadbirini ifodalovchi maxsus beyjikda bo‘lishadi va faqat census.stat.uz sayti orqali ma’lumotlarni bazaga yuborishadi.