Toshkent shahar IIBB onlayn savdolarda yuz berayotgan firibgarlik holatlaridan ogohlantirdi.

Qayd etilishicha, firibgarlar buyumini sotib yubormoqchi bo‘lgan fuqarolarga onlayn savdoga berilgan e’lon orqali bog‘lanib, uning buyumini sotib olmoqchiligini, biroq boshqa viloyatda ekanligi sababli ko‘rishib, mahsulotni ololmasligini bildiradi.

Firibgarlar so‘ralgan pulni to‘lashini aytib, buyumni yetkazib berish xizmati orqali berib yuborishni so‘raydi. Shundan so‘ng maxsus havola yuborib, shu orqali bank karta raqamingizni kiritib, pullarni olish mumkinligini aytadi.

Agarda fuqaro e’tiborli bo‘lmay, mahsulotini tez sotish maqsadida link orqali aytilgan amalni bajarsa, uning bank kartasidagi pullar va shaxsiy ma’lumotlari o‘g‘irlanishi mumkin.